لماذا مزاجيات؟

تحذيرأدبي : التدوينة بالعامية

المزاج مسألة صعبة جداً

يعني مرة تكون مروق ودك تضحك وبدون سبب مقنع

وبعدها بثواني ينقلب موودك وتصير شخص ثاني

ممكن تتهاوش حتى مع ظلك

وبعدها بشوي ترجع تضحك من الهوا ولا تدري ليه

يعني اللي يشوفك في هالأجواء اللي ما تاخذ معك دقايق

يقول هذا خبل، او فيه خلل نفسي معين!

والله ما أدري

يمكن المسألة لها علاقة بطبيعة الأكل، أو الجو

أو البيئة

ما أدري

المهم أن اللي أعرفه، أني أحب أعيش بهالشكل

مع أنه متعب جداً للي حولي

لكن أحس أنه مريح لي على الرغم من أني أخذت وقت طويل

عشان أعترف بمسألة المزاجية هاذي

يعني مثلا الحين وانا جالسة اكتب، فجأة شعرت برغبة بالتوقف

مع اني من لحظات واثناء كتابتي للكلمات للاسطر السابقة

كنت متحمسة واحس اني رح اكتب صفحات بدون ما اوقف

ما ادري ليه احس ان اللي جالس يقراني الان لو مو انسان مزاجي مثلي

ما رح يصدق هالمسألة اللي الان اعيشها

…

يعني من مزاجياتي اني مثلاً ارتاح اني اكتب بالعامية اللي ما احس

ان لي لهجة معينة بذاتها فيها، ومرات احس اني ارتاح اذا كتبت باللغة الفصحى

يمكن هالشي رح يظهر لاحقاً في كلامي اللي رح تقروه لو تابعتوا مزاجياتي

كثير اشياء اخليها تستعبدني بحكم المزاج

القهوة الشاهي، الأفلام، الزيارات، الانغلاق، الانفتاح

يعني اشياء واشياء ويمكن اغلبها يناقض بعضه

يعني مثلاً اصحى في يوم، افتح النت، واجلس اقرا في المنتديات النسائية

تمسك معي مثلاً اليوم على الطبخ ولا اخلي طبخة ما اقرا عنها ولا ودي اسويها

وبعدين اليوم الثاني تمسك معي على الشعر واجلس اقرا واسرح في خيالات شعرية غير معقولة

واروح في وادي ثاني غير واقعي اللي انا عايشة فيه

واليوم الثالث تمسك معي اشوف مقاطع لساعات بدون ما اطفش واحس ان حياتي كلها تمحورت على هالشي

تصدقون عاد

يُقال اني اكتب باللغة الفصحى بشكل ممتاز لكن الان ما ادري والله ليه مسكت معي اكتب بالعامية

كنت دائماً اقول اني اكتب بالفصحى بشكل يخليني احس انها لهجتي ولغتي الام

وان اي كلام ابي اقوله ما يوصل الا اذا استخدمت الفصحى لشرح افكاري

اووووه

ودي اكمل

بس قفلت معي الحين

والله العالم بكرة كيف يكون مزاجي

يمكن اقرر اني ما عاد اكتب ولا افتح المدونة الا بعد شهور من الان

..

من جد ما ادري وانا اكتب ليه يهمني راي اللي يقراني

هل فهم فكرتي اللي ابي اوصلها ، هل شعر بشعوري وقدرت انقل احساسي وانا اكتب

هل وصلته نظرتي للأمور واقتنع فيها، والا جلس يتريق علي ويضحك من كلامي وتناقضاتي

ويقول اش هالبنت وش عندها وش تبي تقول!

ما ادري ليه اناقض نفسي كثير، يعني على الرغم من اني اقول اني ما اهتم لرأي الناس اللي اعتبرهم تافهين

على قد ما يهمني رايهم بكلامي وشكلي ، ما ادري ليه ، هل هي مسألة عدم ثقة في الذات

مع ان اللي يشوفني يقول هالبنت واثقة جداً من نفسها ولها حضور قوي، او يمكن هالشي اللي ودي انه يكون وصل عني للناس

والله اشك الان ان اللي يقراني يقول هالبنت اما عندها حالة نفسية مستعصية وانفصام في الشخصية

او فيها شي ومكبوتة ولا هي قادرة تطلع اللي في خاطرها متى مابغت وللي تبغي

المهم

حتى خفة الدم وثقله احسه حالة مزاجية، يعني يوم تلقاني رايقة ودمي زي العسل واي شي اقوله يضحك الشخص اللي قدامي

واحياناً احس ان دمي ثقيل ومر ولا احد متقبل اي كلمة مني

وطبعاً انا اشعر بهالشي من ردود فعل اللي يكون جالس معاي واكلمه

احياناً احس اني ثرثارة ولا ودي اسكت وكل ما اقول في نفسي لازم اسكت احس اني اعاند نفسي وازيد اكثر واكثر

واحياناً احس برغبة في الصمت والسكون وهالشعور نادراً مايحصل معي لكن شعور مريح جداً بصراحة

يعني القى نفسي خالية من أي أفكار ومشاكل وكل الدنيا اقول لها طزز ماعلي من اي شي واي احد ولا يهمني فيها كبر شعرة

وبس